Die Vlieënde Venters

 1.       Wegspring

Nou ja...ons journey het begin. Hierdie was n baie emosionele tyd vir hierdie 3 Venters gewees....uitputtent eintlik maar hier is ons nou...in 7 rue Ausone, Carbon Blanc op die buite wyke van Bordeaux.

 

Woendagmiddag by die lughawe aangekom was ons mission om so spoedig moontlik ons pakkaas in daai vliegtuig in te druk...met die hoop dat niemand ons tasse met al ons chocolates, nougat, extra medikasie of liquids sal wil check nie. Hulle het ook nie.

 

So laaste draaitjie by n winkel of twee na ons deur immigrasie is, om vir Lisa in Springbokhempie en vir my 'n ligte K-Way baadjie te koop. Ek het gehoor...die enigste manier om n Saffa oorsee uit te ken, is as hul 'n Springbok op hul bors dra...of 'n K-Way baadjie. Ons het nou beide.

 

Ons het dadelik soos eerste-wêreld reisigers gevoel toe Jos nie gou genoeg by die "lounge" kon uitkom nie. Genade... het ons hom so erg bederf?! Flapjacks en lemoensap op sy spyskaart.

 

Uiteindelik in ons sitplekke...en 'n paar uur in die vlug...voel Jos hy wil "Mark" roep soos 'n wafferse heelagter na 'n Faf de Klerk up-&-under...maar Jos sin word in die toiletbak geroep....maaaarrrkk! Twee keer nogal. Die Motion Mark het hom bietjie gepak.

 

Aangekom in Parys....se "lounge"....het ons soos 3 nuwe euro sente gevoel toe ons kon gaan stort en poeier (sss) het. Ons is 'n uur later uit Parys weg en al ons 8 tasse wat ons ingecheck het,  het hier aangekom...Al was dit die laaste 8 op daai vervoerband.

 

Mathieu het ons 'n helde ontvangs gegee en ons het die meeste bagasie in sy Peugeot gepas. Jos het eerder saam met hom gery want hy het besef dit is die vinnigste roete na Mathieu se bekende aarbeiroomyse toe....en natuurlik 'n hele bak vol appelkose. Ek vermoed Jos gaan vanaand vir Borris Shitsowich roep...

 

Ek en Lisa het besluit ons moet probeer 'n kar huur wat ons moonlik gaan wil koop...'n kar wat sal aard by die Franse toestande, 'n kar wat min Franse petrol drink, 'n kar wat Frans en Afrikaans verstaan.....toe huur ons maar 'n Toyota Corolla.

 

Vanaand gaan ons beplan...ons het baie planne.  Ons sal jul binnekort meer van dit vertel. Tot dan...

 

Groetnis/ Salutations

Die Vlieënde Venters